Зайнутдинов «Динамодан» кетуі мүмкін: себептері аталды

Қазақстан құрамасының жартылай қорғаушысы Бахтиёр Зайнутдинов жазғы трансферлік терезеде мәскеулік «Динамодан» кетуі мүмкін, деп хабарлайды SportsNews ақпарат агенттігі.

«Чемпионат» басылымының ақпаратына сәйкес, астаналық клуб құрамында ауқымды өзгерістер күтілуде. 28 жастағы қазақстандық футболшы да осы қысқартуларға ілігуі ықтимал.

«Бір жағынан, Ресей Премьер-Лигасында қазақстандықтар легионер болып саналмайды, бұл әмбебап ойыншы үшін жақсы жағдай. Алайда, оның болашағының бұлыңғыр болуының себептері басқада: Шварцқа жиі жарақат алып, лазаретте жатпай, жоғары қарқындылықты ұстап тұруға қабілетті ойыншылар қажет. Зайнутдинов мұндайды кепілдендіре алмайды. Ал клуб маусым бойы көмектесуге дайын емес ойыншыны ұстағысы келмейтін шығар», - деп жазады «Чемпионат».

Басылымның атап өтуінше, Ресей Премьер-Лигасында легионер емес мәртебесіне қарамастан, Зайнутдинов үшін басты мәселе – оның жарақатқа бейімділігі. «Динамоның» жаңа бас бапкері, неміс маманы Сандро Шварц маусым бойы жоғары қарқындылықты сақтай алатын ойыншыларға басымдық береді.

Өткен маусымда Зайнутдинов жарақаттан ұзақ уақыт қалпына келуіне байланысты «Динамо» сапында бар болғаны он матч өткізген болатын.