"Тоттенхэм" Сенеси трансферін келісті: "Борнмут" қорғаушысы еркін агент ретінде ауысады

Лондондық "Тоттенхэм" "Борнмуттың" 29 жастағы қорғаушысы Маркос Сенесимен клубқа ауысуы туралы принципиалды келісімге келді, деп хабарлайды SportsNews ақпарат агенттігі.

Танымал журналист және инсайдер Николо Скираның X әлеуметтік желісіндегі мәліметіне сәйкес, Маркос Сенеси "Тоттенхэмге" еркін агент ретінде ауысады. Ол жаңа клубымен 2030 жылға дейін келісімшартқа отырып, жылдық жалақысы 5 миллион еуроны құрайды.

Сенеси кәсіби мансабын "Фейеноорд" клубында бастаған. 2022 жылы ол 15 миллион еуроға "Борнмутқа" ауысты. Аргентиналық қорғаушы "Борнмут" сапында барлығы 128 матч өткізіп, 6 гол соғып, 10 нәтижелі пас берген.

Transfermarkt деректері бойынша, қазіргі уақытта Сенесидің нарықтық құны 22 миллион еуроны құрайды.