Мессидің серіктесі топ-клубтан бас тартты: Альварес "Барселонаны" таңдады

Мадридтік "Атлетико" мен Аргентина құрамасының шабуылшысы Хулиан Альварес өз болашағын шешіп, қазіргі клубының келісімшартты ұзарту туралы ұсынысынан бас тартты, деп хабарлайды SportsNews ақпарат агенттігі.

Беделді Marca басылымының мәліметінше, 26 жастағы шабуылшы "матрасшылардың" жылдық 10 миллион еуро жалақы ұсынысын қабылдамаған. Бұл оны команданың ең жоғары жалақы алатын ойыншысы етер еді, алайда Альварес жаңа сынақтар іздеуде.

Аргентиналық шабуылшы "Атлетико" ұсына алатын жобадан гөрі, перспективалырақ жобаны қалайды. Атап айтқанда, Хулиан Альварес каталондық "Барселонаға" ауысуға ниет білдірді. Ол "көк-гранаттылардың" жобасын амбициялырақ деп санайды және "Барселона" сапында трофейлер жеңуге көбірек мүмкіндігі болатынына сенеді.

Ықтимал трансферге кедергі болып отырған басты мәселе – "Атлетиконың" қатаң ұстанымы. Мадридтік клуб өз ойыншысы үшін 150 миллион еуро талап етуде. "Атлетико" басшылығы "Барселонаның" мұндай қымбат мәмілені көтере алатынына күмәнмен қарайды.

Айта кету керек, Альварестің "матрасшылармен" қазіргі келісімшарты 2030 жылдың жазына дейін есептелген, ал оның өтемақы сомасы 500 миллион еуроны құрайды.

Естеріңізге сала кетейік, Хулиан Альварес "Атлетикоға" 2024 жылдың жазында "Манчестер Ситиден" ауысып келген. Ағымдағы маусымда шабуылшы 49 матч өткізіп, 20 гол соғып, тоғыз нәтижелі пас берді. Transfermarkt порталының мәліметінше, футболшының нарықтық құны 90 миллион еуроға бағаланады. Аргентина құрамасының сапында Альварес 2022 жылғы әлем чемпионы атанған.