«Ливерпуль» Слотқа ізбасар тапты: мерсисайдтықтарды кім басқарады?

«Ливерпуль» футбол клубы өткен маусымдағы қанағаттанарлықсыз нәтижелер мен ойын стилін жоғалтуына байланысты бас бапкер Арне Слоттың отставкаға кеткенін жариялады, деп хабарлайды SportsNews ақпарат агенттігі.

Нидерландық маманның басшылығымен команда маусымды сәтсіз аяқтап, клуб басшылығының сенімінен айырылған болатын. Енді «мерсисайдтықтар» жаңа бапкер іздеуге кірісті.

Fichajes.net порталының мәліметінше, Арне Слоттың орнына басты үміткер – қазіргі «Борнмут» командасының тізгінін ұстаған Андони Ираола. «Ливерпуль» басшылығы команданың ұзаққа созылған дағдарысқа ұшырамауы үшін келісімді тез арада жабуды көздеп отыр.

43 жастағы Ираола бұған дейін испаниялық «Райо Вальекано», «Мирандес» клубтарын және кипрлік АЕК командасын жаттықтырған тәжірибелі маман.