«Ливерпуль» Бундеслиганың талантын 100 миллион еуродан астамға сатып алуы мүмкін

«РБ Лейпциг» клубының 19 жастағы ивуарлық шабуылшысы Ян Диоманд «Ливерпульдің» басты трансферлік нысандарының бірі болып отыр, деп хабарлайды SportsNews ақпарат агенттігі.

The Athletic басылымының беделді инсайдері Давид Орнштейннің мәліметінше, «РБ Лейпцигтің» жас ойыншысына «ПСЖ» да үлкен қызығушылық танытуда. Алайда, қазіргі уақытта «Ливерпуль» футболшы үшін күресте басымдыққа ие.

Ақпарат көздерінің хабарлауынша, егер келіссөздер басталса, «РБ Лейпциг» Диоманд үшін 100 миллион еуродан астам қаражат талап етеді.

Ян Диоманд «РБ Лейпцигке» 2025 жылдың 16 шілдесінде испаниялық «Леганес» клубынан 20 миллион еуроға ауысқан болатын. Ол бес жылдық келісімшартқа қол қойды. Маусым барысында Диоманд 33 матч өткізіп, 12 гол соғып, сегіз нәтижелі пас берді.

Диоманд 2025/2026 жылғы Бундеслига маусымының үздік жаңа ойыншысы болып танылды.