Ливерпуль Салахтың орнына Ямальдың досын алғысы келеді

«Ливерпуль» 23 жастағы «Атлетик» (Бильбао) вингері Нико Уильямсты трансферлеу бойынша келіссөздерді жандандырды, деп хабарлайды SportsNews ақпарат агенттігі.

Испан БАҚ-тың мәліметінше, мерсисайдтықтар клубтан кететін Мохамед Салахтың орнына оны тамаша алмастырушы ретінде көреді.

«Атлетик» клубының сәтсіз маусымына байланысты басшылық талаптарды төмендетуге дайын. Келісімшартта көрсетілген 95 миллион еуроның орнына, Бильбао клубы ойыншыны 80 миллион еуроға жіберуге келіседі. Уильямстың өзі Англияға көшуге дайын, ал «Ливерпульдің» скауттық бөлімі мәмілені маусым айында жабуды талап етуде.

Уильямс – «Атлетиктің» тәрбиеленушісі. Осы маусымда шабуылшы барлық турнирлерде 32 матч өткізіп, алты гол соғып, жеті нәтижелі пас берді.