Гордон «Барселонаға» ауыса ма? «Ньюкасл» вингері каталондық клубты таңдайды

«Ньюкасл» клубының вингері Энтони Гордон «Барселона» сапына ауысуы мүмкін, деп хабарлайды SportsNews ақпарат агенттігі.

Mundo Deportivo басылымының хабарлауынша, каталондық клуб 25 жастағы футболшыны өз қатарына қосуға мүдделі. Жақында «Барселонаның» спорт директоры Деку және оның көмекшілері Боян Кркич пен Жоао Амаралдың сапары осы мәселеге байланысты болған. «Барса» бұл келісімді тез арада ресімдеуге үміттенеді.

Гордонға «Бавария» мен «Ливерпуль» де қызығушылық танытып отыр, тіпті соңғысы трансфер бойынша жұмысты жандандырған. Алайда, футболшының өзі «Барселонаға» қосылуды қалайды.

Бірнеше апта бұрын «Ньюкасл» Гордонды 85-90 миллион еуроға бағалаған, бірақ каталондықтар мұндай соманы төлегісі келмейді. Дегенмен, Энтонидің жалақысы олардың бюджетіне сәйкес келеді.

Өткен маусымда Гордон Англия Премьер-Лигасында 26 матч өткізіп, 6 гол соғып, 2 нәтижелі пас берген болатын.