Деку жеке келіссөздер жүргізуде: «Барселона» 90 млн еуроға вингерді көздеп отыр

Каталондық «Барселона» ағылшындық «Ньюкасл Юнайтед» клубының талантты вингері Энтони Гордонды трансферлеу бойынша келіссөздерде айтарлықтай ілгеріледі, деп хабарлайды SportsNews ақпарат агенттігі.

Mundo Deportivo басылымының ақпараты бойынша, каталондық клубтың спорт директоры Деку Лондонға барып, футболшының өкілдерімен жеке кездесу өткізді. Бұл келіссөздер ойыншының ұстанымына әсер етіп, ол «көк-гранаттар» сапына ауысу нұсқасына бұрынғыдан да ашық қарай бастады.

Басты кедергі – қаржылық мәселе. «Ньюкасл» Гордонды шамамен 75-90 миллион еуроға бағалап отыр, бұл «Барселона» үшін қазіргі экономикалық шектеулері аясында трансферді айтарлықтай қиындатады.

25 жастағы ағылшын ойыншысына Еуропаның басқа да топ-клубтары – «Бавария» мен «Ливерпуль» қызығушылық танытуда, бұл бәсекелестікті арттыра түседі.

Осы маусымда Гордон «Ньюкасл» сапында барлық турнирлерде 46 матч өткізіп, 17 гол соғып, бес нәтижелі пас берді. Transfermarkt мәліметі бойынша, оның нарықтық құны 60 миллион еуроға бағаланады. Гордонның «Ньюкаслмен» қазіргі келісімшарты 2030 жылға дейін жасалған.