Давид Алаба «Реалмен» қоштасты: бес жылдық жеңістер мен алғыс

Мадридтік «Реал» қорғаушысы Давид Алаба клуб сапында өткізген бес жылдан кейін командамен эмоционалды түрде қоштасты, деп хабарлайды SportsNews ақпарат агенттігі.

33 жастағы аустриялық футболшы Испания астанасындағы кезеңін қорытындылап, осы жолда өзімен бірге болған барлық адамға терең алғысын білдірді.

«Мен барлығына алғыс айтқым келеді: командаға, қызметкерлерге, бапкерлерге, президентке және жанкүйерлерге. Әрине, отбасыма да. Бұл өте ерекше бес жыл болды. Қазір сезімдерімді сипаттау оңай емес, өйткені мен өте ризамын. Бұл шынымен де ерекше клуб. Әлемдегі ең үздік және ең үлкен клуб. Мен мұндағы бес жылды тамаша өткіздім. «Реал Мадрид» жанкүйерлері және барлығы әрқашан менің жүрегімде болады. Мен өте ризамын. Мадрид, әрине, осы жылдар ішінде мен үшін екінші үйге айналды. Бұл жылдар – осы ерекше жолдың бір бөлігі. Бұл менің жеке кітабымның бір тарауы. Мен өте ризамын. Рахмет», — деп Алабаның сөзін «Реалдың» баспасөз қызметі келтіреді.

Давид Алаба «ақтар» қатарына 2021 жылдың жазында қосылған болатын. «Реал» сапында ойнаған уақытында ол барлық турнирлерде 132 матч өткізіп, бес гол соғып, тоғыз нәтижелі пас берді.

Мадридтік клубпен бірге қорғаушы екі рет Испания чемпионы атанды, екі рет Чемпиондар Лигасын және УЕФА Суперкубогын жеңіп алды. Сондай-ақ оның еншісінде Испания Суперкубогындағы екі жеңіс және бір ел Кубогы бар.