Дастан Сатпаев: «Челси» жанкүйерлері трансфер алдындағы деңгейін бағалады

«Қайрат» форварды Дастан Сатпаев осы жазда Лондонға көшеді, алайда «Челси» жанкүйерлері оны әлі де жұлдыздар қатарына қосуға асығар емес, деп хабарлайды SportsNews ақпарат агенттігі.

TheBluesFeed танымал фан-аккаунты X әлеуметтік желісінде жас қазақстандық талантқа қатысты өз үкімін шығарды.

«Әлі де шикілеу», — деп атап өтті TheBluesFeed.

Сатпаев — қазақстандық футболдағы ең жарқын жас таланттардың бірі. «Қайрат» сапында ол негізгі құрамда өзін көрсетіп, топ-клубтардың скауттарының назарын аудара білді. «Челси» оны өткен жазда сатып алған, бірақ тәжірибе жинақтау үшін Алматыда бір жылға жалға қалдырған болатын.

Енді Сатпаевтың Англияға көшуі — алдағы бірнеше айдың еншісінде. Алайда британдық жанкүйерлер күмәнмен қарайды.

«Талант бар, бірақ АПЛ-ға дейін әлі көп еңбек ету керек», — деп жазды аккаунтта, Сатпаевқа физикалық дайындық пен командамен үйлесімділік жетіспейтінін атап өтті.

Дегенмен, Дастанның өзі қиындықтарға дайын екенін және бәсекелестіктен қорықпайтынын бірнеше рет айтқан. Қазақстандық ойыншының күмәншілдерді сендіруге алғашқы мүмкіндігі осы жазда «Челсидің» маусым алдындағы дайындығында туады.