Сатпаев ойнайтын "Челси": лондондық клуб ПСЖ қорғаушысына көз тікті

2026 жылдың жазында қазақстандық шабуылшы Дастан Сатпаев қосылуы тиіс лондондық "Челси" "Пари Сен-Жерменнің" 22 жастағы орталық қорғаушысы Илья Забарныйға белсенді қызығушылық танытуда, деп хабарлайды SportsNews ақпарат агенттігі.

FootMercato басылымының мәліметінше, "көктер" украиналық футболшының жағдайын мұқият бақылауда. Клуб Забарныйды қорғаныс шебін күшейтуге қабілетті болашағы зор ойыншы ретінде қарастыруда.

Дереккөз "Челсидің" Забарныйдың париждік клубтың негізгі құрамында тұрақты ойнамауын өз пайдасына қолданғысы келетінін атап өтеді. Дегенмен, қазіргі уақытта лондондықтардан "Пари Сен-Жерменге" ресми ұсыныс түскен жоқ, бірақ жақын арадағы трансферлік терезелерде жағдай өзгеруі мүмкін.

Айта кетейік, Дастан Сатпаевтың "Челсиге" ауысуы туралы "Қайрат" футбол клубы 2025 жылдың ақпан айында ресми түрде жариялаған болатын. Жас қазақстандық шабуылшы лондондық грандқа кәмелеттік жасқа толғаннан кейін, яғни 2026 жылдың жазында қосылады.

Бұған дейін "Қайрат" бұл трансфер үшін шамамен төрт миллион еуро, сондай-ақ қосымша бонустар алатыны хабарланған еді.