«Барселона» шақырады: Альварес «Атлетиконың» €10 млн ұсынысынан бас тартты

Мадридтік «Атлетико» шабуылшысы Хулиан Альварес қазіргі клубымен келісімшартты ұзартудан бас тартып, каталондық «Барселонаға» ауысуды қалайды, деп хабарлайды SportsNews ақпарат агенттігі.

Испаниялық Marca басылымының мәліметінше, «қызыл-ақтар» аргентиналық шабуылшыға жылына €10 млн жалақы ұсынған. Алайда Альварес өзі үшін «перспективалырақ жобаға» қосылуға ұмтылып отырғаны хабарланды.

Потенциалды трансферге кедергі болып отырған басты мәселе – «Атлетиконың» ойыншысы үшін сұрап отырған жоғары бағасы. Мадридтік клуб кемінде €150 млн талап етеді, себебі Альварестің қазіргі келісімшарты 2030 жылдың жазына дейін есептелген, ал оның өтемақы сомасы €500 млн құрайды.

Осы маусымда 26 жастағы Альварес 49 матчқа қатысып, 20 гол соғып, тоғыз нәтижелі пас беріп, тамаша нәтиже көрсетті. Transfermarkt порталының деректері бойынша, аргентиналық шабуылшының нарықтық құны €90 млн деп бағаланады.