"Атлетико" "Барселонаны" Альварес үшін мазақ етті: арыстан маскалы ит видеосы

Мадридтік «Атлетико» «Барселонаның» шабуылшы Хулиан Альвареске деген қызығушылығы туралы қауесеттерге әлеуметтік желіде әзіл-қалжың видеосын жариялау арқылы ерекше жауап берді, деп хабарлайды SportsNews ақпарат агенттігі.

Бұған дейін каталондық клуб Альварес үшін 100 миллион еуро ұсынғаны хабарланған болатын. Алайда «Атлетико» өз шабуылшысы үшін 120 миллион еуродан астам соманы талап етіп отыр.

Жарияланған видеороликте көк-гранаттылардың эмблемасын бейнелейтін жыртқыш сафари кезінде адамдарға шабуыл жасайды. «Арыстан» көлікке жақындағанда, ер адам оның жалынан ұстап, маскасын жұлып алады, оның астынан мүлдем зиянсыз ит шығады.

«Барса» сіздің ойыншыларыңыздың бірін сатып алуға тырысқанда», – делінген осы ирониялық видеоның сипаттамасында.

Мадридтік клуб каталондықтарға қатысты бұрынғы жанжалдарды еске түсіру мүмкіндігін де жіберіп алған жоқ. «Атлетико» өз мәлімдемелерінің бірінде: «Біз төрешілер комитетінің вице-президентін жалақыға ұстауды немесе ойыншыларды тіркеу үшін саяси байланыстарды пайдалануды ешқашан ойламас едік», – деп атап өтті.