«Арсенал» «Астон Вилланың» жұлдызына көз тікті: Роджерс үшін 50 миллион

Лондондық «Арсенал» «Астон Вилла» жартылай қорғаушысы Морган Роджерсті сатып алуға шындап кірісті, деп хабарлайды SportsNews ақпарат агенттігі.

Инсайдер Бен Джейкобстың мәліметінше, «канонирлер» 22 жастағы жартылай қорғаушыны мұқият бақылап отыр. Ол Бирмингем клубының негізгі құрамына тез еніп, команданың маңызды ойыншысына айналған.

Оның трансферлік құны «Астон Вилладағы» ең жоғары деп саналады, және лондондық клуб айтарлықтай соманы төлеуге дайын. Осы маусымда Морган Роджерс бірнеше маңызды гол соғып, нәтижелі пас беріп, тамаша ойын көрсетті.

Ойыншының әмбебаптығы, яғни алаңның ортасында да, қапталда да тиімді ойнай алу қабілеті «Арсеналдың» бас бапкері Микель Артетаны қызықтырды. Артета жартылай қорғанысты күшейтуді белсенді іздеуде.

Әзірге «Астон Вилла» өз көшбасшысымен қоштасуға асықпайды, бірақ «Арсенал» 50 миллион фунт стерлингке дейін қомақты сома ұсынуға дайын. Клубтар арасындағы келіссөздер жақын арада басталады деп күтілуде.