Дмитрий Курбанов Словениядағы Челлендж кубогының финалына бірінші орынмен шықты

Қазақстандық гимнаст Дмитрий Курбанов Словенияның Копер қаласында өтіп жатқан Челлендж кубогы кезеңінде өте сәтті өнер көрсетті, деп хабарлайды SportsNews ақпарат агенттігі.

Іріктеу кезеңінің алғашқы күнінде біздің спортшымыз жоғары шеберлік танытып, бірінші орынды сенімді түрде иеленді. Осылайша, ол жарыстың финалына жолдама алды.

Словениядағы турнирге мықты спортшылар жиналғанына қарамастан, Курбанов алғашқы өнер көрсетуінен-ақ жоғары нәтижелерге қол жеткізуге дайын екенін көрсетті. Енді бар назар финалдық жарыстарға аударылып отыр, онда қазақстандық гимнаст медальдар үшін күреседі.