Артистік жүзу: Алдияр Рамазанов Әлем Кубогында екінші медалін жеңіп алды
Қазақстандық Алдияр Рамазанов Испаниядағы артистік жүзуден Әлем Кубогы кезеңінде екінші медалін жеңіп алды, техникалық бағдарламада қола жүлдегер атанды.
Қазақстандық спортшы Алдияр Рамазанов Испаниядағы артистік жүзуден Әлем Кубогы кезеңінде екінші медалін жеңіп алды. Ол ерлер арасындағы техникалық бағдарламада қола жүлдегер атанды, деп хабарлайды SportsNews ақпарат агенттігі.
Жарыс қорытындысы бойынша, Алдияр Рамазанов 223.0833 ұпай жинап, үшінші нәтиже көрсетті. Бұл оның турнирдегі екінші медалі болды.
Аталған бағдарламада Италиялық Филиппо Пелати 229.7325 ұпаймен жеңімпаз атанса, екінші орынды испаниялық Энеко Санчес Агилар (228.4342 ұпай) иеленді. Тағы бір қазақстандық спортшы Виктор Друзин 203.5667 ұпаймен бесінші орынға тұрақтады.
Айта кетейік, бұған дейін Алдияр Рамазанов Ясмина Исламовамен бірге дуэтте (техникалық бағдарлама) қола медаль жеңіп алған болатын. Осылайша, ол Испаниядағы Әлем Кубогы кезеңінде екі бірдей жүлдеге ие болды.
материалдары бойынша Inform.kz
Артистикалық жүзуден Әлем Кубогында Қазақстан қола медаль жеңді
Мәнерлеп сырғанаушы Михаил Шайдоров: жалақы, келісімшарт және уәделер туралы
РСФ Дегтярев басшылығымен: Олимпиада-2028 дайындығына букмекерлерден 2,6 млрд рубль бөлінеді
