Жозе Фонте карьерасын аяқтады: Португалия аңызы 42 жасында кетті

Португалиялық қорғаушы Жозе Фонте 42 жасында кәсіби футболшы карьерасын ресми түрде аяқтады, деп хабарлайды SportsNews ақпарат агенттігі.

Тәжірибелі қорғаушының карьерасындағы соңғы клубы португалиялық "Каса Пия" болды. Өткен маусымда Фонте 20 матч өткізіп, бір гол соғып, бір нәтижелі пас берді.

Фонте лиссабондық "Спортингтің" тәрбиеленушісі болғанымен, оның карьерасының басым бөлігі Англия алаңдарында өтті. 2007-2018 жылдар аралығында ол "Кристал Пэлас", "Саутгемптон" және "Вест Хэм" клубтарында ойнады, оның ішінде "Саутгемптон" сапында жеті маусым өткізіп, команданың негізгі ойыншыларының біріне айналды.

2018 жылдан 2023 жылға дейін қорғаушы француздық "Лилль" командасының намысын абыроймен қорғады, онда капитан болып, клубтың жетістіктеріне айтарлықтай үлес қосты.

Халықаралық деңгейде Фонте Португалия құрамасының сапында 2016 жылғы Еуропа чемпионы атанды. Ол көп жылдар бойы бес дүркін "Алтын доп" иегері Криштиану Роналдумен бірге ойнады.

Ол 2018 жылғы әлем чемпионатына қатысып, команданың негізгі ойыншысы болды, сондай-ақ Еуро-2020 турнирінде өнер көрсетті. Фонте ұлттық құрамаға 2022 жылғы әлем чемпионатына іріктеу кезеңінде көмектесті, бірақ турнирдің қорытынды құрамына енбеді.