Йозуа Киммих: «Ұлттық құрамадағы мансабымды аяқтау туралы ойламаймын»

Германия құрамасының жартылай қорғаушысы Йозуа Киммих ұлттық командадағы болашағына қатысты маңызды мәлімдеме жасады, деп хабарлайды SportsNews ақпарат агенттігі.

Мюнхендік «Бавария» мен Германия құрамасының негізгі ойыншыларының бірі Йозуа Киммих өзінің халықаралық мансабын аяқтауы мүмкін деген қауесеттерге қатысты пікір білдірді. Ол қазіргі уақытта мұндай нұсқаны қарастырмайтынын баса айтты.

Бұған дейін БАҚ-та 29 жастағы футболшының құрамадан кету туралы ойлануы мүмкін деген болжамдар пайда болған еді, алайда Киммих бұл болжамдарды жоққа шығарып, Германия үшін өнер көрсетуге деген адалдығын растады.