Екі дүркін олимпиада чемпионы Евгений Рылов карьерасын аяқтайды: соңғы жүзуі 6 маусымда

Екі дүркін олимпиада чемпионы Евгений Рылов спорттық карьерасын аяқтайтынын мәлімдеді, деп хабарлайды SportsNews ақпарат агенттігі.

Ресей су спорт түрлері федерациясының баспасөз қызметінің хабарлауынша, Рыловтың соңғы жүзуі 6 маусымда Қазанда өтетін Ресей чемпионатының салтанатты ашылу рәсімінен кейін болады.

29 жастағы Рыловтың қоржынында Олимпиада ойындарының екі алтын, бір күміс және бір қола медалі бар. Ол әлем чемпионаттарында бес алтын, бес күміс және бес қола жүлдеге ие болған.

Сонымен қатар, Евгений Рылов Еуропа чемпионаттарында төрт алтын, төрт күміс және бір қола медаль жеңіп алған даңқты спортшы.