Алькарас үздік үштікте: Forbes 25 жасқа дейінгі ең жоғары жалақы алатын спортшыларды атады

Forbes соңғы 12 айда 25 жасқа дейінгі әлемдегі ең жоғары жалақы алатын спортшылардың жылдық рейтингін жариялады, деп хабарлайды SportsNews ақпарат агенттігі.

Беделді басылымның мәліметінше, ағылшындық «Манчестер Сити» клубының шабуылшысы Эрлинг Холанд 80 миллион доллар табыспен тізімді бастап тұр.

Үздік үштікке сонымен қатар 69 миллион доллар тапқан баскетболшы Энтони Эдвардс және табысы 61,5 миллион долларды құраған әлемдік теннис жұлдызы Карлос Алькарас кірді.

Тізімде одан кейін 60 миллион доллармен футболшы Винисиус Жуниор, 58,6 миллион доллармен баскетболшы Кейд Каннингем және тағы бір теннис өкілі Янник Синнер 54,6 миллион доллар табыспен орналасқан.

Айта кету керек, Forbes бұл рейтингті жасау кезінде спорттық көрсеткіштерден түскен табыстарды ғана емес, сонымен қатар жарнама келісімшарттарынан, бонустардан және спортшылардың түрлі бизнес-жобаларынан түскен кірістерді де ескерген.