Юлия Стародубцева Ролан Гаррос-2026 турнирінде сенсациялық жеңістен кейін жеңілді

Бұған дейін Рыбакинаны сенсациялық түрде жеңген украиналық теннисші Юлия Стародубцева (№55) Ролан Гаррос-2026 турнирінің 1/16 финалында қытайлық Ван Сиюйге (№148) есе жіберіп, жарыстан шығып қалды, деп хабарлайды SportsNews ақпарат агенттігі.

1 сағат 50 минутқа созылған матч қытайлық спортшының пайдасына 3:6, 5:7 есебімен аяқталды. Стародубцева бірде-бір эйс жасай алмай, екі рет қос қателік жіберді.

Оның қарсыласы Ван Сиюй, керісінше, үш эйс жасап, қос қателіксіз ойнап, сенімді ойын көрсетті.

Келесі кезеңде Ван Сиюй Солана Сьерра (№68, Аргентина) – Сорана Кырстя (№18, Румыния) жұбының жеңімпазымен кездеседі.

Айта кетейік, беделді Ролан Гаррос турнирі Парижде 24 мамыр мен 7 маусым аралығында өтіп жатыр, оның жалпы жүлде қоры 29,14 миллион долларды құрайды.