Украин гимнастшы Краинская: Еуропа чемпионатында Ресей әнұранына қарсы ерекше наразылық

Украин гимнастшысы София Краинская көркем гимнастикадан жасөспірімдер арасындағы Еуропа чемпионатының марапаттау рәсімінде Ресей әнұраны орындалған кезде наразылығын білдіріп, көпшіліктің назарын аударды, деп хабарлайды SportsNews ақпарат агенттігі.

Күміс медаль иегері Краинская тұғырда тұрып, Ресей әнұраны орындалып жатқанда құлаққап киіп, көзін жұмды. Бұл әрекетті көптеген көрермендер мен БАҚ өкілдері байқады.

Оқиға Болгарияның Варна қаласында өткен турнирде орын алды. Таспамен жаттығуда ресейлік Яна Заикина 26,000 ұпаймен алтын медаль жеңіп алды. София Краинская 25,750 ұпаймен екінші орын алса, үшінші орын неміс Мелисса Диетке (25,300) бұйырды.

Айта кету керек, ресейлік және беларусьтік спортшылар соңғы бес жылда алғаш рет Еуропа чемпионатында өз елдерінің туымен және әнұранымен өнер көрсетуде. Халықаралық гимнастика федерациясы (World Gymnastics) бұл спортшыларды жарыстарға жіберу туралы шешімді 17 мамырда қабылдаса, Еуропалық гимнастика одағы (European Gymnastics) оны 24 мамырда растады.