Қазақстан құрамасы: Мұжықов жарақат алды, Садыбеков шақырылды

Қазақстан ұлттық футбол құрамасының маусым айындағы жолдастық кездесулері алдында құрамда өзгерістер болды, деп хабарлайды SportsNews ақпарат агенттігі.

Ұлттық құраманың ардагер ойыншысы, жартылай қорғаушы Серікжан Мұжықов жарақатқа байланысты алдағы ойындарға қатыса алмайды. Ол құраманың орналасқан жеріне жарақатпен келген.

«Жартылай қорғаушы Серікжан Мұжықов ұлттық құраманың орналасқан жеріне жарақатпен келді. Команда штабы жүргізген медициналық тексеруден кейін оның алдағы матчтарға қатыса алмайтыны белгілі болды. Осыған байланысты ұлттық құраманың жаттықтырушылар штабы оның орнына Әділет Садыбековті шақыру туралы шешім қабылдады. Серікжанға тезірек сауығып, алаңға аман-есен оралуын тілейміз!» – деп жазды Қазақстан футбол федерациясының (ҚФФ) баспасөз қызметі.

Естеріңізге сала кетейік, 9 маусым күні ұлттық құрама Дебрецен қаласында Венгриямен жолдастық кездесу өткізеді.