Ролан Гаррос-2026: Стэн Вавринка жарысты және мансабын аяқтады

Үш дүркін «Үлкен дулыға» турнирінің чемпионы, швейцариялық теннисші Стэн Вавринка Франция Ашық чемпионаты — 2026 турниріндегі өнерін аяқтады, ол бірінші айналымда Нидерланды өкілі Йеспер де Йонгқа есе жіберді, деп хабарлайды SportsNews ақпарат агенттігі.

Әлемнің 113-ракеткасы, швейцариялық теннисші Стэн Вавринка Франция Ашық чемпионаты — 2026 турнирінің екінші айналымына өте алмады. Бірінші айналымда ол Нидерланды өкілі Йеспер де Йонгқа 3:6, 6:3, 3:6, 4:6 есебімен жол берді.

3 сағат 3 минутқа созылған кездесу тартысты өтті. Вавринка алты рет эйс жасап, бір қосарланған қателік жіберді және 11 брейк-пойнттың екеуін ғана пайдалана алды. Де Йонгтың есебінде 10 эйс, төрт қосарланған қателік және алты брейк-пойнттың төртеуі сәтті жүзеге асырылды.

Айта кетерлігі, бұл Стэн Вавринканың осы турнирдегі соңғы матчы болды. Спортшы маусым соңында мансабын аяқтайды.

«Ролан Гаррос» турнирінің екінші айналымында де Йонг италиялық Федерико Чинамен кездеседі.