Путин: Ресей мен Қазақстанның спорттық байланыстары нығаюда, «Болашақ ойындары» елде

Ресей Федерациясының президенті Владимир Путин Ресей мен Қазақстан арасындағы спорттық байланыстардың белсенді түрде нығайып, кеңейіп келе жатқанын мәлімдеді, деп хабарлайды SportsNews ақпарат агенттігі.

«Спорттық байланыстар нығайып, кеңейіп келеді. Осы жазда Қазақстан үшінші халықаралық мультиспорттық «Болашақ ойындары» турнирін қабылдайды», – деді Путин.

Ресей басшысы классикалық спорт түрлері мен киберспортты біріктіретін осы бірегей жарыстардың бастауында Ресей тұрғанын атап өтті. Бұл мәлімдеме Астанада өткен Ресей-Қазақстан келіссөздерінің қорытындысы бойынша жасалды.