Неймар жарақат алды: шабуылшы ӘЧ-2026 алдында 2-3 аптаға алаңнан кетеді

Бразилия құрамасының жұлдызды шабуылшысы Неймар балтыр бұлшықетінен алған жарақатына байланысты екі-үш аптаға алаңнан тыс қалады деп хабарлайды команданың медициналық орталығының жетекшісі Родриго Ласмар, деп хабарлайды SportsNews ақпарат агенттігі.

Әлем чемпионаты-2026-ға Бразилия құрамасының қатарына шақырылған «Сантос» клубының 34 жастағы шабуылшысы балтыр бұлшықетін зақымдады. Бастапқыда оның 5-10 күн ішінде қалпына келетіні хабарланған болатын.

Алайда, ұлттық құраманың орналасқан жеріне келгеннен кейін Неймар қосымша медициналық тексеруден өтіп, оның жарақатының ауырлығы анықталды.

Бразилия құрамасының медициналық орталығының жетекшісі Родриго Ласмар жарақаттың ауырлығын растады:

«Неймар барлық медициналық тексерулерден өтті, біз МРТ жасадық, ол екінші дәрежелі бұлшықет зақымдануын анықтады. Спортшы емделуін жалғастыруда – оның екі-үш апта ішінде қалпына келуі күтілуде», – деді Ласмар.

Осылайша, Неймар Бразилия құрамасының Панама және Мысырға қарсы алдағы жолдастық матчтарын міндетті түрде өткізіп алады.

Сонымен қатар, 14 маусымда өтетін Марокко құрамасына қарсы Әлем чемпионаты-2026 бірінші матчына негізгі шабуылшының қатысуы үлкен сұрақ астында тұр.