НБА: «Нью-Йорк» 1999 жылдан бері алғаш рет финалға шықты

«Нью-Йорк» баскетбол клубы төртінші ойында «Кливлендті» 130:93 есебімен ойсырата жеңіп, Шығыс конференциясының финалын 4-0 есебімен таза жеңіспен аяқтап, тарихи жетістікке жетті, деп хабарлайды SportsNews ақпарат агенттігі.

Бұл жеңіс «Нью-Йорк Никс» командасының плей-офф сериясындағы он бірінші қатарынан келген жеңісі болды. Команда осылайша 1999 жылдан бері алғаш рет Ұлттық баскетбол қауымдастығының (НБА) финалына жолдама алды.

1999 жылы «Никс» финалда «Сан-Антонио Сперс» командасына 1-4 есебімен есе жіберген болатын. Биылғы маусымда «Нью-Йорктің» финалдағы қарсыласы «Оклахома-Сити Тандер» мен «Сан-Антонио Сперс» арасындағы жұптың жеңімпазы болады. Қазіргі уақытта бұл сериядағы есеп 2-2.

НБА финалының бірінші матчы 4 маусымда Астана уақытымен 06:30-да басталады.