НБА: «Нью-Йорк Никс» «Кливлендті» жеңіп, плей-офф финалына шықты

2025/2026 жылғы НБА плей-оффының жартылай финалының төртінші матчында «Нью-Йорк Никс» «Кливленд Кавальерсті» 130:93 есебімен сенімді түрде жеңіп, серияны 4-0 есебімен аяқтады, деп хабарлайды SportsNews ақпарат агенттігі.

Бұл шешуші кездесу 2026 жылдың 26 мамырында Кливлендтегі «Рокет Мортгедж Филдхаус» аренасында өтті. «Нью-Йорк Никс» командасының басымдығы матч басынан ақ айқын болды, олар қарсыласына еш мүмкіндік қалдырмады.

«Кливленд Кавальерс» сапындағы ең нәтижелі ойыншы қорғаушы Донован Митчелл болды. Ол командасы үшін 31 ұпай жинады, алайда бұл жеңіске жетуге жеткіліксіз болды.

Ал «Нью-Йорк» құрамында орталық ойыншы Карл-Энтони Таунс керемет ойын көрсетіп, дабл-дабл жасады. Оның есебінде 19 ұпай, 14 доп жинау және 3 пас бар. Таунстың жан-жақты ойыны «Никстің» жеңісіне үлкен үлес қосты.

Осылайша, «Нью-Йорк Никс» серияны 4-0 есебімен таза жеңіп, НБА финалына жолдама алды. Финалда олар «Сан-Антонио Спёрс» пен «Оклахома-Сити Тандер» арасындағы серияның жеңімпазымен кездеседі. Қазіргі уақытта бұл сериядағы есеп 2-2.

Айта кету керек, НБА-ның қазіргі чемпионы – «Оклахома-Сити Тандер» командасы. Олар өткен маусымның финалында «Индиана Пэйсерсті» жеңген болатын.