Макрон Франция құрамасымен кездесті: Президент ӘЧ-2026 алдында базаға барды

Франция президенті Эммануэль Макрон жұбайы Брижитпен бірге Клерфонтендегі ұлттық құраманың жаттығу базасына барып, алдағы 2026 жылғы әлем чемпионаты алдында футболшылармен және жаттықтырушылар штабымен кездесті, деп хабарлайды SportsNews ақпарат агенттігі.

Жоғары мәртебелі қонақтарды команданың бас бапкері және ойыншылары қарсы алды. Макрон мен оның жұбайы Брижит ұлттық құраманың жаттығу процесімен танысып, футболшылармен жылы қарым-қатынаста болды.

Кездесу соңында Франция президенті Эммануэль Макрон мен бірінші ханым Брижит құраманың футболшыларымен және жаттықтырушылар штабымен бірге естелік суретке түсті. Бұл кездесу командаға алдағы жауапты турнир алдында үлкен рух берді.

Айта кетейік, 2026 жылғы әлем чемпионаты 11 маусым мен 19 шілде аралығында АҚШ, Канада және Мексикада өтеді. Франция құрамасы топтық кезеңде Сенегал, Ирак және Норвегия командаларымен кездеседі.