Лоис Буассон Калинскаямен матч туралы: «Шындық әрқашан күрделірек»

«Ролан Гаррос – 2025» турнирінің жартылай финалисі, франциялық теннисші Лоис Буассон Франция Ашық чемпионаты – 2026 бірінші айналымында ресейлік Анна Калинскаямен өтетін алдағы матчта өзін аутсайдер санайтыны туралы ойымен бөлісті, деп хабарлайды SportsNews ақпарат агенттігі.

Франциялық теннисші Лоис Буассон «Ролан Гаррос – 2026» турнирінің басталуы алдында өткен баспасөз мәслихатында ресейлік Анна Калинскаямен болатын алғашқы айналымдағы кездесуге қатысты пікірін білдірді.

Оған журналистер: «Калинскаямен матчта сіз енді аутсайдер боласыз. Психологиялық тұрғыдан бұл ыңғайлырақ шығар?» деген сұрақ қойды.

«Әрқашан айтамын, бәрі қарсыласқа байланысты. Әркімнің өз рейтингісі бар, әркімнің атының қасында бір сан тұрады, бірақ бұл міндетті түрде бірдеңені білдірмейді. Сондықтан қағаз жүзінде – иә, мен келісемін, жағдай дәл осылай. Бірақ бәрі сол күнге, қарсыласқа, сол күні өзіңді қалай сезінетініңе байланысты. Адамдар тек рейтингке қараған кезде – бұл тым жеңілдетілген қорытынды. Қағаз жүзінде – иә, бірақ шындық әрқашан күрделірек», – деді Буассон.