Ига Швёнтек Дубай турнирінің директорына жауап берді: «Біз құлмыз ба?»

Әлемнің үшінші ракеткасы, «Үлкен дулыға» турнирлерінің алты дүркін чемпионы польшалық теннисші Ига Швёнтек Дубай турнирінің директорының жарыстан кеш бас тартқаны үшін айыппұл салу туралы сөздеріне қатаң жауап берді, деп хабарлайды SportsNews ақпарат агенттігі.

Бұған дейін Дубай турнирінің директоры Ига Швёнтек пен беларусьтік теннисші Арина Соболенкоға жарыс басталмас бұрын қатысудан бас тартқан жағдайда қатаң жаза қолдану керектігін айтқан болатын.

Швёнтек баспасөз мәслихатында бұл ұстаныммен келіспейтінін білдіріп, спортшылардың өз бетінше шешім қабылдау құқығын атап өтті.

«Біздің кез келген уақытта жарыстан бас тартуға құқығымыз бар. Мен мұнда ешқандай проблема көріп тұрған жоқпын. Егер біздің жағдайымыз болмаса немесе турнирге қатысуға қолайлы уақыт емес деп санасақ… біз құлмыз ба? Бізге өз бетімізше шешім қабылдауға рұқсат етілген, сондықтан мен проблема көрмеймін. Рейтингте бізге нөл ұпай береді. Міне, жаза осы», — деді Швёнтек.

Осылайша, теннисші рейтингтік ұпайларды жоғалту турнирді өткізіп алғаны үшін жеткілікті жаза деп санайды және қосымша айыппұлдар орынсыз деп есептейді.