Ходар дебютінде бес гейм ғана берді: Джоковичтің 2005 жылғы рекордына жақындады

Әлемнің 29-шы ракеткасы, испаниялық теннисші Рафаэль Ходар Франция Ашық чемпионатының негізгі кестесіндегі дебюттік матчында бар болғаны бес геймді қарсыласына берді, деп хабарлайды SportsNews ақпарат агенттігі.

Бұл турнирде дебюттік матчта одан аз гейм берген соңғы теннисші – «Үлкен дулыға» турнирлерінің 24 дүркін чемпионы, сербиялық Новак Джокович болған. Ол 2005 жылы Робби Джинеприге қарсы ойында тек үш геймді ғана берген еді.

«Ролан Гаррос – 2026» турнирінің бастапқы кезеңінде Ходар әлемнің 67-ші ракеткасы, америкалық Александр Ковачевичті 6:1, 6:0, 6:4 есебімен сенімді түрде жеңді. Енді екінші айналымда испаниялық теннисші аустралиялық Джеймс Даквортпен кездеседі.

Биылғы «Ролан Гаррос» турнирі 24 мамыр мен 7 маусым аралығында өтеді. Жарыстың қазіргі чемпионы – тағы бір испаниялық теннисші Карлос Алькарас.