Голомеев Enhanced Games-те әлемдік рекордты жаңартып, $1 млн алды

Лас-Вегаста өткен Enhanced Games жарысында грек жүзушісі Кристиан Цветанов Голомеев 50 метрге еркін стильмен жүзуде әлемдік рекордтан жылдам нәтиже көрсетіп, феноменалды өнер көрсетті, деп хабарлайды SportsNews ақпарат агенттігі.

Голомеев мәреге 20,81 секундта жетті. Бұл көрсеткіш австралиялық Кэмерон Макэвойдың орнатқан ресми әлемдік рекордынан 0,07 секундқа жылдамырақ.

Enhanced Games жарысының ерекшелігі – қатысушыларға дәстүрлі спортта тыйым салынған препараттарды қолдануға рұқсат етіледі. Сондықтан Голомеевтің бұл керемет нәтижесі ресми әлемдік рекорд ретінде танылмайды.

Дегенмен, Голомеев өз жетістігі үшін ұйымдастырушылардан қомақты сыйақы алады: рекордты жаңарту үшін 1 миллион доллар бонус және бірінші орын үшін тағы 250 мың доллар.

АҚШ-тың Лас-Вегас қаласында өтіп жатқан Enhanced Games жарыстарына жүзу, жеңіл атлетика және күштік спорт түрлері кіреді.