Эрлинг Холанд: «Манчестер Сити» шабуылшысы үшін АПЛ-дың үшінші «Алтын бутсы»

«Манчестер Сити» шабуылшысы Эрлинг Холанд 2025/2026 маусымында Англия Премьер-лигасының үздік бомбардирі атанып, мансабындағы үшінші «Алтын бутсын» жеңіп алды, деп хабарлайды SportsNews ақпарат агенттігі.

Норвегиялық шабуылшы АПЛ-дың 35 матчында 27 гол соғып, сегіз нәтижелі пас берді. Бұл көрсеткіш оған чемпионаттың ең үздік сұрмергені атануға мүмкіндік берді.

Бомбардирлер жарысында Холанд «Брентфорд» клубының бразилиялық форварды Игор Тьягоны (22 гол) және командаласы Антуан Семеньоны (17 гол) басып озды.

Эрлинг Холанд «Манчестер Сити» сапында 2022 жылдан бері өнер көрсетіп келеді. Ол бұған дейін 2022/2023 және 2023/2024 маусымдарында да «Алтын бутсты» жеңіп алған болатын. Ал 2024/2025 маусымында «Ливерпуль» шабуылшысы Мохамед Салах үздік бомбардир атанған еді.