Джокович «Ролан Гарроста» рекорд орнатты: 120 матч және үшінші айналымға 20-шы рет шығу

Әлемнің бірінші ракеткасы Новак Джокович «Ролан Гарростың» екінші айналымында франциялық теннисші Валентин Руайені 6:3, 6:2, 6:7(7), 6:3 есебімен жеңіп, келесі кезеңге өтті, деп хабарлайды SportsNews ақпарат агенттігі.

Бұл жеңіс сербиялық теннисшіге Париж төріндегі «Үлкен дулыға» турнирінің үшінші айналымына қатарынан 20-шы рет шығуға мүмкіндік берді. Джокович 2006 жылдан бері «Ролан Гарроста» осы кезеңге тұрақты түрде жетіп келеді.

Осылайша, Новак Джокович бір «Үлкен дулыға» турнирінде үшінші айналымға шығу саны бойынша Роджер Федерердің жетістігін қайталады – екі теннисшіде де қазір 21 осындай нәтиже бар.

Руайемен өткен матч Джокович үшін «Ролан Гаррос» корттарындағы жекелей сындағы 120-шы ойыны болды. Бұл бір «Үлкен дулыға» турнирінде өткізілген матчтар саны бойынша Ашық дәуірдің абсолютті рекорды.

Жарыстың екінші аптасына шығу үшін Джокович Жоао Фонсека мен Дино Прижмич жұбының жеңімпазымен кездеседі.