Джиро д’Италия: Кусс 19-кезеңде жеңіске жетті, Вингегор көш бастады

Америкалық велошабандоз Сепп Кусс «Джиро д’Италия» көпкүндігінің 19-кезеңінде керемет жеңіске жетті. Team Visma | Lease a Bike командасының өкілі Фельтре – Аллеге (Пьяни-ди-Пецце) аралығындағы қашықтықты 4 сағат 28 минут 33 секундта бағындырды, деп хабарлайды SportsNews ақпарат агенттігі.

Бұл кезеңде екінші орынды канадалық Дерек Джи-Уэст (Lidl – Trek) иеленді, ол Кусстан 13 секундқа қалып қойды. Үздік үштікті италиялық Джулио Чикконе (Lidl – Trek) 36 секунд айырмашылығымен аяқтады.

Жалпы есептегі көшбасшылық өзгеріссіз қалды. Даниялық Йонас Вингегор (Team Visma | Lease a Bike) 75 сағат 13 минут 16 секунд уақыт көрсеткішімен сенімді түрде бірінші орында тұр.

Австриялық Феликс Галль (Decathlon AG2R La Mondiale Team) Вингегордан 4 минут 3 секундқа қалып, екінші орында келеді. Үздік үштікті аустралиялық Джей Хиндли (Red Bull – BORA – hansgrohe) 5 минут 4 секунд айырмашылығымен түйіндеді.

Ресейлік Александр Власов (Red Bull – BORA – hansgrohe) 19-кезеңде 25-орын алса, жалпы есепте 22-орынға жайғасты.