Хоккейден ӘЧ-2026: Словения Италияны 5:1 есебімен жеңді

2026 жылғы хоккейден әлем чемпионатының топтық кезеңінде Словения құрамасы Италияны 5:1 есебімен жеңіп, маңызды жеңіске жетті, деп хабарлайды SportsNews ақпарат агенттігі.

Швейцарияның Фрибур қаласындағы «БСФ-Арена» стадионында өткен тартысты кездесуде словениялық хоккейшілер қарсыластарынан басым түсті. Ойынның 23-минутында Италия қорғаушысы Фил Пьетрониро есеп ашып, командасын алға шығарды. Алайда, бұл ұзаққа созылмады.

Словениялықтар тез арада жауап қайтарды. 29-минутта шабуылшы Матиц Тёрёк таразы басын теңестірсе, екі минуттан кейін, 31-минутта форвард Ян Дрозг словениялықтарды алға шығарды. Екінші кезеңнің соңына қарай, 40-минутта Дрозг дубль авторы атанып, командасының үшінші шайбасын соқты.

Үшінші кезеңде Словения басымдығын одан әрі арттырды. 48-минутта шабуылшы Марцель Махковец төртінші голды соқса, 52-минутта Жан Ежовсек есепті 5:1-ге жеткізіп, матчтың нүктесін қойды.

2026 жылғы хоккейден әлем чемпионаты 15-31 мамыр аралығында Швейцарияның Цюрих және Фрибур қалаларында өтуде. Словения мен Италия Дания, Канада, Словакия, Швеция, Чехия және Норвегия құрамаларымен бірге «В» тобында өнер көрсетеді.