Әлем чемпионаты-2026: Сауд Арабиясы жанкүйерлерге билеттер тарту етеді

Сауд Арабиясы 2026 жылғы футболдан әлем чемпионатына өз жанкүйерлеріне тегін билеттер ұсынуда, деп хабарлайды SportsNews ақпарат агенттігі.

Бұл шешім Халықаралық футбол федерациясының (ФИФА) матчтарға қатысушылар санының аз болуы мүмкін деген алаңдаушылығы аясында қабылданды. Бұл бастама туралы Сауд Арабиясының АҚШ-тағы елшілігінің ресми парақшасында хабарланды.

"Футболдан әлем чемпионатына кері санақ басталды. Осыған орай, Сауд Арабиясының Футбол федерациясы АҚШ-тағы Сауд Арабиясы құрамасының жанкүйерлеріне тегін билеттер ұсынады. Сізден қатысу, бізден билеттер", – делінген ұйым хабарламасында.

2026 жылғы әлем чемпионаты 11 маусым мен 19 шілде аралығында өтеді. Турнир матчтары АҚШ, Канада және Мексиканың стадиондарында ұйымдастырылады. Ойындарға билеттердің бағасы 100 доллардан 6 370 долларға дейін өзгереді.