Александр Дюков: Ресей құрамасы 2026 жылы халықаралық аренаға оралады

Ресей футбол одағының (РФО) президенті Александр Дюков Ресей құрамасының 2026 жылы халықаралық турнирлерге оралу мүмкіндігіне сенім білдірді, деп хабарлайды SportsNews ақпарат агенттігі.

Дюковтың айтуынша, футбол ең танымал спорт түрі болғандықтан, саясатқа көбірек араласады. Ол 2023 жылы қабылданған, бірақ іске аспаған шешімнің биыл жүзеге асатынына үміттенетінін жеткізді.

«Футбол саясатқа көбірек араласады, өйткені ол ең танымал спорт түрі. Бұл шешім 2023 жылы қабылданған болатын, бірақ, өкінішке орай, іске аспады. Биыл іске асады деп үміттенемін», — деп келтіреді Дюковтың сөзін «Чемпионат» тілшісі Мария Куцубеева.

Ресей құрамасы 2022 жылдан бері ФИФА мен УЕФА қамқорлығымен өтетін ресми матчтардан шеттетілген. Ресейлік клубтар да халықаралық жарыстарға қатыспайды.