19 жастағы Фонсека: «Ролан Гаррос» ширек финалына тарихи шығу

Әлемдік рейтингте 30-орында тұрған 19 жастағы бразилиялық теннисші Жоао Фонсека «Үлкен дулыға» турнирінің ширек финалына алғаш рет шықты. Ол «Ролан Гаррос» турнирінің 1/8 финалында Каспер Руудты 7:5, 7:6(8), 5:7, 6:2 есебімен жеңді, деп хабарлайды SportsNews ақпарат агенттігі.

Кездесу 3 сағат 55 минутқа созылды. Бұл Фонсека үшін маңызды жетістік, себебі ол бұған дейін мұндай деңгейдегі турнирлерде үшінші айналымнан әрі өтпеген болатын.

Фонсека сонымен қатар аты аңызға айналған Густаво Куэртеннен кейін Франция ашық чемпионатының ширек финалына шыққан алғашқы бразилиялық теннисші атанды.

Келесі айналымда жас теннисші осы кезеңнің тағы бір дебютанты – Якуб Меньшикпен кездеседі.