Анчелотти Неймардың жарақаты туралы әзілдеді: "Дөңгелегі бар әже машина болар еді"

Бразилия құрамасының бас бапкері Карло Анчелотти журналистердің шабуылшы Неймарды жарақатына қарамастан командаға шақыру мүмкіндігі туралы сұрақтарына әзілмен жауап берді, деп хабарлайды SportsNews ақпарат агенттігі.

Бұған дейін 2026 жылғы Әлем чемпионатына ұлттық құраманың алдын ала тізіміне енген 34 жастағы шабуылшы балтыр бұлшықетінің жарақатына байланысты екі-үш аптаға алаңға шыға алмайтыны туралы ақпарат тараған болатын.

Неймардың жарақатының ауырлығын алдын ала білгенде оны құрамаға шақырар ма еді деген сұраққа Анчелотти танымал италиялық мақалды мысалға келтірді.

«Италияда қалай айтатынын білесіздер ме: «Егер менің әжемнің дөңгелектері болса, ол машина болар еді», – деді маман, журналистерді күлдіріп.