Усик Роналдуды чемпиондықпен құттықтады: боксшы «Әл-Насрдың» жеңісін бағалады

Украиналық кәсіпқой боксшы Александр Усик «Әл-Наср» командасының капитаны Криштиану Роналдуды Сауд Арабиясы чемпионатындағы жеңісімен құттықтады, деп хабарлайды SportsNews ақпарат агенттігі.

Усик әлеуметтік желідегі парақшасында футболшыға жылы лебізін білдірді.

«Криштиану Роналду, сен тағы да нағыз чемпион екеніңді дәлелдедің. Сені және бүкіл команданы жеңістеріңмен құттықтаймын. Чемпиондар!» — деп жазды Усик.

Сауд Арабиясы чемпионатының соңғы, 34-ші турының матчында «Әл-Наср» «Дамакты» 4:1 есебімен ойсырата жеңіп, клуб тарихындағы 10-шы чемпиондық атағын ресми түрде рәсімдеді. Криштиану Роналду үшін бұл трофей Сауд Арабиясы лигасындағы алғашқы жеңісі болды.

Чемпионат қорытындысы бойынша «Әл-Наср» 86 ұпай жинап, бірінші орынды иеленді. Екінші орынға 84 ұпаймен «Әл-Хилал» орналасса, үздік үштікті 81 ұпаймен «Әл-Ахли» түйіндеді.