Тухель Палмер мен Фоденді ӘЧ-ға алмады: себебі — ойыншылар мінезі

Англия құрамасының бас бапкері Томас Тухель «Челси» жартылай қорғаушысы Коул Палмер мен «Манчестер Сити» ойыншысы Филип Фоденді 2026 жылғы әлем чемпионатына шақырудан бас тартты, деп хабарлайды SportsNews ақпарат агенттігі.

The Sun басылымының мәліметінше, маманның мұндай шешім қабылдауына ойыншылардың жеке қасиеттеріне қатысты күмәні себеп болған. Тухель ірі турнирде ел намысын қорғайтын футболшылардың мінез-құлқын мұқият зерттеген.

Неміс бапкері Палмер мен Фоденнің дарынына қарамастан, олардың команда ішіндегі мінезі мен ықпалы оның талаптарына сай келмейді деген қорытындыға келді.

Сонымен қатар, Тухель «Ньюкасл» қорғаушысы Дэн Бёрн мен «Брентфорд» жартылай қорғаушысы Джордан Хендерсонның командаға қосқан үлесін жоғары бағалады. Жанкүйерлер арасында кеңінен танымал болмаса да, екі ойыншы да команда ішіндегі қажетті ықпалы мен көшбасшылық қасиеттері үшін құрамаға шақырылды.