Испания бапкері ӘЧ-2026 құрамында «Реал» ойыншыларының жоқтығына: «Клубтарға қарамаймын»

Испания құрамасының бас бапкері Луис де ла Фуэнте АҚШ, Канада және Мексикада өтетін 2026 жылғы әлем чемпионатына шақырылған құрамда мадридтік «Реал» футболшыларының жоқтығына қатысты пікір білдірді, деп хабарлайды SportsNews ақпарат агенттігі.

Бапкердің 26 ойыншыдан тұратын тізімі дүйсенбі, 25 мамырда жарияланған болатын. Құрамда мадридтік «Реал» клубының бірде-бір ойыншысы болмағандықтан, бұл шешім көпшіліктің назарын аударды.

«Мен ұлттық құраманың бапкерімін, сондықтан ойыншылардың қай клубтан екені мені алаңдатпайды. Олар – құраманың ойыншылары; мен клубтарға қарап таңдау жасамаймын. Жанкүйерлерде болатын қалыс пікір менде жоқ. Менің қалайтыным – бұл ойыншылардың ұлттық құраманың намысын қорғағанын мақтан тұтуы», — деп Де ла Фуэнтенің сөзін келтіреді Marca басылымы.

Де ла Фуэнте шәкірттері Әлем чемпионатының топтық кезеңінде Кабо-Вердемен (15 маусым), Сауд Арабиясымен (21 маусым) және Уругваймен (27 маусым) кездеседі. Бұған дейін команда Иракпен (4 маусым) және Перумен (9 маусым) екі бақылау матчын өткізеді.