Тен Хаг қауесеттерді жоққа шығарды: «МЮ» бапкері клубтағы жұмысына ден қойған

«Манчестер Юнайтед» клубының бас бапкері Эрик тен Хаг Нидерланды құрамасының тізгінін ұстауы мүмкін деген қауесеттерге қатысты пікір білдірді, деп хабарлайды SportsNews ақпарат агенттігі.

Жақында БАҚ-та 54 жастағы маманның ұлттық құрамаға бас бапкер болып тағайындалуы мүмкін екендігі туралы ақпарат тараған болатын. Алайда, Тен Хаг бұл қауесеттерді жоққа шығарып, өзінің қазіргі жұмысына толықтай берілгенін жеткізді.

«Мен қазіргі уақытта тек «Манчестер Юнайтедтегі» жұмысыма ғана назар аударып отырмын. Басқа ешқандай ойым жоқ», – деп мәлімдеді нидерландық маман. Осылайша, ол «қызыл сойқандар» сапындағы міндеттеріне адал екенін көрсетті.