«Тым енжар»: Аллегри «Миланның» жеңілісі мен Чемпиондар лигасына шықпауын түсіндірді

«Милан» футбол клубының бас бапкері Массимилиано Аллегри А сериясының 38-турында «Кальяриден» 1:2 есебімен жеңілгеннен кейін өз ойымен бөлісті. Бұл жеңіліс команданы УЕФА Чемпиондар лигасына қатысу мүмкіндігінен айырды, деп хабарлайды SportsNews ақпарат агенттігі.

Италия чемпионатының 38-турының қорытындысы бойынша «Милан» маусымды турнир кестесінде бесінші орында аяқтап, осылайша беделді Чемпиондар лигасына өте алмады.

«Өкінішке орай, қазір нәтижені өзгерте алмаймыз. Үйде бес матчты жеңілген кезде, мұндай жағдайға тап болу заңдылық. Кездесудің басы жақсы болды, алға шыққанда жеңіс өздігінен келеді деп қателестік. Алайда олай болмады. Біз қорғаныста өте нашар ойнадық, әсіресе бірінші гол кезінде», — деді «Миланның» бас бапкері Массимилиано Аллегри.

Жеңіліске қарамастан, Аллегри өз шәкірттерін кінәламайтынын атап өтті.

«Менің жігіттеріме ешқандай кінә арта алмаймын, олар Чемпиондар лигасына шығу үшін қолдан келгеннің бәрін жасады. Дегенмен, біз «Кальяридің» екі голы кезінде де тым енжар болдық, бұрын мұндай болмаған еді. «Дженоамен» матчта біз жақсы ойнадық, бірақ бүгін кешке командада алаңдаушылық басым болды, сондықтан ойын барысын өзгерте алмадық», — деп келтіреді Аллегридің сөзін Football Italia басылымы DAZN Italia-ға сілтеме жасап.