«Шахтёр» Бразилияны ӘЧ-дан шыққан соң қалжыңдады: «Келесі жолы біздің ойыншыларды шақырыңдар»

Донецктік «Шахтёр» Катарда өткен 2022 жылғы әлем чемпионатынан Бразилия құрамасының шығып қалғанына ирониямен жауап беріп, келесі жолы өз футболшыларын шақыруды ұсынды, деп хабарлайды SportsNews ақпарат агенттігі.

Украиналық клуб әлеуметтік желілерде Бразилия құрамасына «Шахтёр» ойыншыларын құрамды күшейту үшін қарастыру керектігін меңзейтін хабарлама жариялады.

«Келесі жолы біздің ойыншыларды шақырыңдар», — делінген донецктік команданың ирониялық хабарламасында.

Естеріңізге сала кетейік, Бразилия құрамасы мундиалдағы өнерін ширек финалда Хорватияға пенальти сериясынан жеңіліп, аяқтаған болатын.