Роналду әлем чемпионатын армандамайды: Далот Португалия жұлдызы туралы шындықты айтты

«Манчестер Юнайтед» қорғаушысы Диогу Далот Португалия құрамасындағы әріптесі Криштиану Роналду туралы ашық пікірін білдірді, деп хабарлайды SportsNews ақпарат агенттігі.

Екі футболшы да алдағы әлем чемпионатына ұлттық құраманың кеңейтілген тізіміне енген. 2026 жылғы мундиал 41 жастағы шабуылшы үшін карьерасындағы алтыншы әлем чемпионаты болмақ. Көптеген сарапшылар осы турнирдегі жеңісті оның футболдағы соңғы үлкен арманы деп санайды. Алайда, Далоттың айтуынша, Роналду өзіне соңғы мақсат қоятындар қатарынан емес.

«Криштиану Роналду әлем чемпионатын жеңуді армандамайды. Ол келгенге дейін біздің құрама ештеңе ұтпаған еді, ал онымен бірге үш трофейді жеңіп алды», – деп келтіреді Al Nassr Zone басылымы «қызыл дьяволдар» ойыншысының сөзін.

Алдағы әлем чемпионатының топтық кезеңінде Португалия құрамасы Конго Демократиялық Республикасы, Өзбекстан және Колумбия құрамаларымен кездеседі.