Серия А рекорды: «Интер» ойыншысы Димарко үздік ассистент атанды

Миландық «Интер» клубының қорғаушысы Федерико Димарко 2025/2026 маусымындағы Италия А Сериясының үздік ассистенті атанды, деп хабарлайды SportsNews ақпарат агенттігі.

Федерико Димарко 34 матчта 18 нәтижелі пас беріп, Италия чемпионатындағы ассистенттер жарысында жеңіске жетті. Ол бұған дейін Алехандро Гомеске тиесілі болған (16) бір маусымдағы ассисттер саны бойынша А Сериясының рекордын жаңартты.

Екінші орынды «Сассуоло» ойыншысы Арман Лорьенте мен «Комо» футболшысы Хесус Родригес бөлісті. Екі ойыншы да тоғыз нәтижелі пас берген.

Маусым қорытындысы бойынша «Интер» 87 ұпай жинап, Италия чемпионы атанды. Турнир кестесінде екінші орынға 76 ұпаймен «Наполи» орналасты. Үздік төрттікке сонымен қатар «Рома» (73) және «Комо» (71) клубтары кірді.