Бразилия лигасының рекорды: Әлем чемпионатына 32 ойыншы шақырылды

Алдағы 2026 жылғы әлем чемпионатында тарихи рекорд орнатылды: Бразилия лигасының клубтарында ойнайтын бірден 32 футболшы ұлттық құрамаларға шақырту алды, деп хабарлайды SportsNews ақпарат агенттігі.

Globo басылымының мәліметінше, бұл жетістік турнир тарихындағы абсолютті максимум болып отыр. Бұрынғы рекорд 1974 жылдан бері сақталып келген, ол кезде әлем чемпионатына бразилиялық клубтардан 27 футболшы шақырылған болатын.

Бразилия лигасынан ең көп ойыншы шақырған құрамалар Бразилия, Парагвай және Уругвай болды – әрқайсысынан 7 футболшы. Одан кейін Эквадор (бес ойыншы), Колумбия (төрт) және Аргентина мен Нидерланды (әрқайсысынан бір ойыншы) келеді.

Сонымен қатар, легионерлер бойынша да жаңа максимум тіркелді: Бразилия чемпионатынан 25 ойыншы басқа ұлттық командаларға аттанады. Бұл көрсеткіш бұрынғы жетістіктен үш еседен астам асып түсіп, бразилиялық лига таланттарына деген халықаралық сұраныстың артқанын көрсетеді.

2026 жылғы әлем чемпионаты 11 маусым мен 19 шілде аралығында АҚШ, Канада және Мексикада өтеді.